Mizoram SSA Mission-in zirlai naupang tana a thlawna zirlaibu an pek turte chu Mizoram hmun hrang hranga sem in heng zirlaibute hi Primary zirlai tan Rs. 150/- hû leh Middle zirlai tan Rs. 250/- man hu pek tur an ni.
Pu Chawngtinthanga Parliamentary Secretary i/c Education chuan, sorkar thahnemngaihna leh officer-te inpekna zarah zirlaibu sem leh theih a ni chu lawmawm a tih thu sawi in, zirlaibu nei lo naupang hnena a thlawna zirlaibu pek theih a ni hi a dawngtu tan pawh a lungchhiat thlak hle a ni, a ti a. Mizoramah zirna lamah kâwl a êng chho zel a, central sorkar atanga scheme hrang hranga project siama kan officer-ten an haichhuak thei hi a ropui a; scheme hrang hrangte hi zirtirtu leh zirlaite'n a nihna ang taka hmang tangkai tura a duh thu a sawi.
Education Director Pi Malsawmthangi pawhin, sorkar hmalakna mi tinte'n an hriat ve zel a tul thu sawiin, lehkhabu sem leh theih a ni chu lawmawm a ti a; zirlai leh nu leh pa tam tak tan malsawma ropui tak a nih a beisei thu a sawi bawk.
Pu Robert Romawia Royte, OSD Mizoram SSA & DPC, Aizawl District chuan kum 2009 academic session atan SSA Mission chuan zirlaibu sem nan Rs. 3,56,38,000/- a ruahman thu a sawi a. Sorkar enkawl sikulah pawl 1 atanga pawl 7 thleng zirlai 2,00,195 chuang zet hnenah zirlaibu hi sem a nih tur thu leh, Aizawl district bikah chuan block 5 bakah, Ngopa leh Reiek Circle a huam tur thu a sawi bawk. Zirlaibu hi Mizo medium pawl 1 atanga pawl 7 zirlai 1,133,00; English medium zirlai 79,350; Bengali medium zirlai 7,770; Nepali medium zirlai 1,370 hnenah a thlawna sem a ni ang.
Zirlaibu hi Directorate of School Education-in phalna a pek ni lo leh, SSA Mission hriatpuina lova English medium school-a inlet thar sorkar school an awm palh chuan, English medium textbook lei kêp an nih tawh loh vangin harsatna an tâwk thei dawn a; thuneitute rang taka ràwn a ngaih tur thu Pu Robert-a chuan a sawi a. Zirlaibu a thlawna naupangte pek an nih bakah, excercise book, pencil box, geometry box, sports items (jersey, ring, skipping rope, merry-go-round, football leh a dangte) pawh sorkar sikulah sem mek a nih thu leh, SSA chuan a theih chin chinah langtlang taka hnathawh a tum thu a sawi bawk.
Pu Chawngtinthanga Parliamentary Secretary i/c Education chuan, sorkar thahnemngaihna leh officer-te inpekna zarah zirlaibu sem leh theih a ni chu lawmawm a tih thu sawi in, zirlaibu nei lo naupang hnena a thlawna zirlaibu pek theih a ni hi a dawngtu tan pawh a lungchhiat thlak hle a ni, a ti a. Mizoramah zirna lamah kâwl a êng chho zel a, central sorkar atanga scheme hrang hranga project siama kan officer-ten an haichhuak thei hi a ropui a; scheme hrang hrangte hi zirtirtu leh zirlaite'n a nihna ang taka hmang tangkai tura a duh thu a sawi.
Education Director Pi Malsawmthangi pawhin, sorkar hmalakna mi tinte'n an hriat ve zel a tul thu sawiin, lehkhabu sem leh theih a ni chu lawmawm a ti a; zirlai leh nu leh pa tam tak tan malsawma ropui tak a nih a beisei thu a sawi bawk.
Pu Robert Romawia Royte, OSD Mizoram SSA & DPC, Aizawl District chuan kum 2009 academic session atan SSA Mission chuan zirlaibu sem nan Rs. 3,56,38,000/- a ruahman thu a sawi a. Sorkar enkawl sikulah pawl 1 atanga pawl 7 thleng zirlai 2,00,195 chuang zet hnenah zirlaibu hi sem a nih tur thu leh, Aizawl district bikah chuan block 5 bakah, Ngopa leh Reiek Circle a huam tur thu a sawi bawk. Zirlaibu hi Mizo medium pawl 1 atanga pawl 7 zirlai 1,133,00; English medium zirlai 79,350; Bengali medium zirlai 7,770; Nepali medium zirlai 1,370 hnenah a thlawna sem a ni ang.
Zirlaibu hi Directorate of School Education-in phalna a pek ni lo leh, SSA Mission hriatpuina lova English medium school-a inlet thar sorkar school an awm palh chuan, English medium textbook lei kêp an nih tawh loh vangin harsatna an tâwk thei dawn a; thuneitute rang taka ràwn a ngaih tur thu Pu Robert-a chuan a sawi a. Zirlaibu a thlawna naupangte pek an nih bakah, excercise book, pencil box, geometry box, sports items (jersey, ring, skipping rope, merry-go-round, football leh a dangte) pawh sorkar sikulah sem mek a nih thu leh, SSA chuan a theih chin chinah langtlang taka hnathawh a tum thu a sawi bawk.
0 comments: